La Vista

入東涌除咗去shopping之外，喺Sheraton酒店旁邊仲有好多特色嘅外國餐廳～咁啱週末就打算去chill吓，喺東涌地鐵站搭Shuttle Bus就可以去到☺️今次揀咗一間墨西哥菜，餐廳環境好靚，有室內同室外座位，窗邊位置仲可以對住大海景🤍❃ Guacamole 粟米片配牛油果莎莎醬粟米片仲係微暖嘅，配上軟滑牛油果醬，入邊仲有洋蔥蕃茄，係不敗嘅組合～❃ Skewers - Beef 牛肉串燒牛肉調味香口，帶少少微微香辣～❃ Tacos - Achiote Chicken餅皮可以選擇香脆或者係軟身，今次每隻試左一款，雞肉份量唔少，調味香濃少少辣，加埋黃椒洋蔥好惹味～❃ Churros 叫咗呢個做甜品，即叫即炸上枱熱辣辣，外脆內軟，配埋焦糖汁兩個人好快食曬～另外呢度有唔同嘅Cocktail或者Mocktail，店員推介我哋呢兩杯，一杯係菠蘿椰子士多啤梨嘅組合，好好味，中間部份好似食緊沙冰咁！另一杯有青瓜薄荷薑，飲落去酸酸甜甜，清新開胃～