大頭蝦南風海鮮酒家

营业中

休息中

係東涌食野既話，平時係北大嶼山醫院附近大家都會諗到食泰菜，但原來沿路行入少少有間幾地道既小菜館叫「大頭蝦南風海鮮酒家」。雖然環境同裝修都係舊式山區大排檔既感覺，但食物質素自己就覺得係東涌黎講算係唔錯，秋天冬天坐係室外食都唔會覺得熱，坐得舒舒服服。「重慶香辣雞煲」：就黎冬天，食雞煲暖下身就最好不過，辣之餘加埋花椒既香味，成個雞煲送飯超好味，諗返起都流口水。「燒味-燒腩仔、燒鵝、叉燒」：燒腩仔皮夠脆，同埋肉都夠厚身，有時食燒腩仔最驚係8/9成都係肥膏無肉食，但今次食到既肥膏同肉既比例都好好。燒鵝自己就覺得正常發揮。而叉燒就相對大舊，咬落都夠淋，調味都岩岩好，唔會太咸。食飽左仲可以叫埋佢地既甜品，同外面好多甜品舖既價錢差唔多，但份量有超多，味道仲唔錯。