TRi (已結業)

同老友完海玩完wakeboard, 一入到餐廳, 有一個corner位我相信只係飲野 ,跟峇里海邊餐廳的設計一樣,十分有小島風情。 餐廳每逢週末的 Weekend Champagne Lunch 香檳是任飲, 如果飲唔到酒精的朋友, 就換上兩杯鮮榨果汁代替, 先上芋頭脆片小食, 食住等 朋友叫的主菜:海鹽慢煮牛肉,鎖得肉汁好緊 ,肉的質地好嫩滑,帶出慢煮的好味之處。 但我叫的魚 ,就太過乾身了有少少柴皮感覺 唔係咁大胃口的人就啱啱好, 男士就話食到到喉唔到肺 最後會上一個飯,畀你填埋個肚, 但係嗰兜飯擺盤就非常一般 ,好似啲老媽子隔夜雪櫃飯咁攞出嚟! 朋友見咁嘅樣,未飽都唔想食。但最後的甜品賣相幾好 味道亦都唔錯!