大家食 (已結業)

好耐冇寫食評... 因為太耐冇食過一D令人感動既野....大家食呢間店... 裝修好一般... 平時係唔會去... 不過下大雨... 冇得選... 先發現真係食店都不可以貌相店內... 衛生情況中上... 絕對比店外的感覺好...餐具桌椅都冇油既感覺睇左一陣..唔知食咩好... 問阿姐有咩介紹... 佢都好有心機介紹....我見村村住家鍋麵拎過獎... 樣真係好普通...不過都試下...點了一個牛肉村村住家鍋麵.. 等了5分鐘...食物送上...正如所料.... 賣相極一般...不過.... 一入口... 就有一種好親切既感覺...好似媽媽煮比家人食既一樣....材料新鮮...用料亦很多....海帶湯底很鮮... 加上番茄. 青椒.. 入口十分清新... 令沒有用梳打拿過的牛肉更突出鮮味...難怪一碗貌不驚人既麵食..可以拎到獎項... 再加上店主自創的削搖麵... 十分彈口....不用5分鐘.. 就令我對整間店大改觀.!! 不是賣弄高級服務... 花巧食材...以大眾化的價錢... 親和的味道... 就是這店的優勢!