喜記蟹將軍

营业中

休息中

又到公司年尾食飯，今年應大家同事要求食炒辣蟹，訂咗尖沙咀美麗華商場2 期嘅喜記蟹將軍，喜記於上世紀六十年代創立，以招牌菜「喜記正宗炒辣蟹」聞名，曾獲法國藍帶美食大獎，成為享譽國際的地道美食。餐廳環境寬敞舒適，店面設計將中式格調及時尚融合於一起，座位亦坐得舒服。手拍青瓜、陳醋木耳，酸辣味道，令胃口大開！喜記正宗炒辣蟹，辣蟹用咗越南肉蟹，肉質特別鮮甜，配以優質蒜蓉丶豆豉及辣椒炒作而成，色澤金黃，蒜香飄香四溢，味辣而鮮甜，帶辣味又不會奪走蟹的鮮味，火候也拿揑得恰到好處。超正！椒鹽鮮魷外層香脆，鮮魷彈牙。椒鹽九肚魚充滿香港風味，外脆內軟，送酒一流。螺頭燉雞腳湯，天氣寒冷，來一盅滋補湯水暖下身，夠火候又足料，啖啖都係精華，又香又甜。鮮茄濃湯浸時蔬，用奶白色的濃湯浸蔬菜，濃湯有蕃茄嘅甜味，清新得嚟亦為蔬菜增加本身嘅甜味。紅燒乳鴿金黃香脆，肉一嫩汁多，吃到嘴裏充滿肉汁，真的滋味無窮。招牌蟹油炒麵：用蟹油取代傳統食油烹調，彈牙的麵條沾上蟹油味道咸香，加上芽菜和韮菜，口感更佳。蕃薯糖水，蕃薯林甜，糖水清甜可口。