花斑茶社 (和富道) (已結業)

來北角辦年貨，回家前去和富道拍卡，順道去幫襯新開的「花斑茶社」。其實上次經過已經好想去買返杯飲品，可惜當日有事要辦，趁今日得閒，一於過去支持下。據知「花斑茶社」是源自香港的茶飲品牌，由選材以至配料都落足功夫，採用上四種來自台南的茶葉為基底，加上以來自日本及台灣黑糖來煉製，絕對是品質的保證。店舖的茶飲款式不少，而且客人還可以揀少冰、走冰及甜度，選擇夠靈活。點了店員推薦的白桃烏龍和新推出的大甲芋頭鮮奶。兩款飲品都好靚，杯子用上自家 logo，各有特色。白桃烏龍 ($26) 杯果茶好清新芳香，入口茶味突出，香氣在口腔內散發，最正就係杯內有不少清甜的白桃肉，啖啖果肉配上濃郁的烏龍茶香，飲落甜而不膩，層次豐富。大甲芋頭鮮奶 ($32)，飲品採用咗大甲的芋頭做原材料，芋泥的質感好綿密，入口芋香四溢，配上香甜滑溜的鮮奶，果然有意外驚喜，兩者非常搭配，好有台式風味，鐘意芋頭的朋友不容錯過。今次飲住兩杯先，反正店舖離屋企不遠，應該仲會有下次。