花斑茶社 (海之戀商場) (已搬遷) 新店位置

荃灣海之戀開左新商場，有多間食店開幕，其中呢間「花斑茶社」有超吸晴的粉系玫瑰花牆，絕對係打卡必到。環境乾淨整潔，旁邊仲有許願繪馬，都幾特別。店內主打黑糖珍珠系列，仲有鮮奶茶、鮮果茶、奶茶、抹茶……幾個系列，選擇都幾多。價錢$17-32。除了黑糖珍珠厚鮮奶，其他飲品都可選冰量及甜度，我地揀左正常冰同正常甜，估唔到岩岩好，唔會太多冰，而且甜度剛好，又唔膩。店方仲好環保，走塑有賞，自備飲管減$1，自備杯減$2。我見有期間限定，就點來飲，係黑糖珍珠岩鹽厚鮮奶 $32黑糖味好突出，濃郁帶香，且甜而不膩，珍珠好Q彈煙韌，外軟內彈好好咬，越咬越出黑糖味，配厚滑又濃的鮮奶，中和甜度，亦令飲品更香滑，最特別係加左岩鹽，甜中帶微咸，令甜味更有層次，有如岩鹽焦糖的組合一樣夾。黑糖珍珠抹茶鮮奶 $32，上層係抹茶，下層係黑糖珍珠鮮奶，黑糖花紋都好靚。抹茶用優質幼細抹茶粉沖制，茶味重而香，微微茶甘，正好中和黑糖的甜，令整杯飲品味道更柔和。黑糖味同樣突出，但同抹茶好夾，兩個味都唔會互搶，配合得岩岩好。