中村藤吉 (已結業)

喺美丽华商场行完街想揾个地方大家坐下，食少少野倾下计，直行走到The One，谂起上面都曾经食过有几间Cafe不错，一于上去睇下。 楼下LOBBY 见到水牌大大个写住中村藤吉先醒起原来香港都开左分店了，想试好耐，择日不如撞日，今日有三个人，正系食甜品的好时机。人龙唔算多，等了15分钟就有位了。每枱一壶茶，好精致，自斟自饮，我最钟意就系咁。三份甜品一齐上枱。例牌相机食先。白玉丸子绿茶红豆甜汤（热）＄78 绿茶甜汤味道好似奶昔咁，但系热的，好浓郁的绿茶味，不会太甜。丸子一般都系无味的但胜在烟烟韧韧有咬口，配埋软绵绵的日本红豆，整体不错呀。 京之精选 $98 绿茶蛋糕比想像中差，没有浓郁既绿茶同焙茶味，与普通蛋糕无异，但尚算系松软。雪糕内有少少碎冰，配上cream &红豆蓉，可算是不错配搭；栗子香甜、红桑子醒胃。蛋糕扣晒分，呢款我认为试过就算了。 生茶啫喱「抹茶」$88 呢款系我地最期待的，但味道只系不过不失，原以为啫喱都会有浓郁既绿茶味，但味道并不突出、绿茶雪糕配上红豆蓉+丸子。好在份量都算多，绿茶控应该都会几欢喜。