187
42
23
等级4
179
4
2020-07-08 443 浏览
补食父亲节饭,一个月前已经订台,只有2个时段,分别系5:30 同7:30 选择,我拣咗早轮5:30。当日一行7人,5:15左右到达,要先登记,准时5:30会安排已登记客人入座。安排坐喺窗边位置,太阳仲未落山,光猛开扬。订台时顺便预留一只北京填鸭,选择三食。第一食,填鸭都唔洗等好耐就上菜,目测填鸭皮似漏咗气,唔太够胀卜卜。师傅练熟咁手起刀落片鸭,第一碟只有鸭皮,服务员建议沾糖食,都唔算薄嘅鸭皮食落好乾、比较实、冇鸭油香,加咗糖食嘅话,可能因为冇咩鸭油嘅关系,真系同预期落差甚大。第二碟系只有鸭肉片,鸭肉嫩滑,不过毫无肉汁,而且鸭味唔浓,又再失望。第三碟系鸭肉连皮,其实综合咗以上鸭皮同鸭肉嘅食感,配上厚薄适中嘅薄饼、青瓜、葱白、蒜泥同甜味恰到好处嘅甜面酱,靠咗啲酱同配料,鸭肉味其实已经唔浓,感觉配菜先系主角。第二食嘅生菜鸭崧喺啱啱切好晒第一食就上菜,咁即系唔系同一只鸭同埋可能系一堆炒定。可能炒定分配上碟关系,鸭崧份量少,用上啲细size嘅大豆芽炒,调味一般,唯一可以赞吓啲生菜新鲜甜脆。三食系鸭汤,唔系一煲上,又系应该煲定一大煲,一碗碗送上,望落汤色浓白,内有津白同豆腐,饮落淡如水,一啲味道都
更多
补食父亲节饭,一个月前已经订台,只有2个时段,分别系5:30 同7:30 选择,我拣咗早轮5:30。

当日一行7人,5:15左右到达,要先登记,准时5:30会安排已登记客人入座。安排坐喺窗边位置,太阳仲未落山,光猛开扬。

订台时顺便预留一只北京填鸭,选择三食。第一食,填鸭都唔洗等好耐就上菜,目测填鸭皮似漏咗气,唔太够胀卜卜。师傅练熟咁手起刀落片鸭,第一碟只有鸭皮,服务员建议沾糖食,都唔算薄嘅鸭皮食落好乾、比较实、冇鸭油香,加咗糖食嘅话,可能因为冇咩鸭油嘅关系,真系同预期落差甚大。第二碟系只有鸭肉片,鸭肉嫩滑,不过毫无肉汁,而且鸭味唔浓,又再失望。第三碟系鸭肉连皮,其实综合咗以上鸭皮同鸭肉嘅食感,配上厚薄适中嘅薄饼、青瓜、葱白、蒜泥同甜味恰到好处嘅甜面酱,靠咗啲酱同配料,鸭肉味其实已经唔浓,感觉配菜先系主角。
第一食片皮鸭(斋皮)
18 浏览
0 赞好
0 留言
第一食片皮鸭(斋肉)
7 浏览
0 赞好
0 留言
第一食片皮(鸭肉连皮)
8 浏览
0 赞好
0 留言

第二食嘅生菜鸭崧喺啱啱切好晒第一食就上菜,咁即系唔系同一只鸭同埋可能系一堆炒定。可能炒定分配上碟关系,鸭崧份量少,用上啲细size嘅大豆芽炒,调味一般,唯一可以赞吓啲生菜新鲜甜脆。
第二食鸭崧
5 浏览
0 赞好
0 留言

三食系鸭汤,唔系一煲上,又系应该煲定一大煲,一碗碗送上,望落汤色浓白,内有津白同豆腐,饮落淡如水,一啲味道都冇,真系唔会想再饮第二啖。同台各位亦有同感,所以同咗一位服务员提出,佢竟然攞樽盐俾我哋,喺咁嘅情况下我表示想搵搵经理反映,经理行埋嚟嘅时间同时都揸住个有啲汤嘅碗表示佢都试咗味,而且真系比较淡,已经通知厨房再调味後换过俾我哋。再调味嘅鸭汤都系淡,为免嘥咗个胃嘅容量,成台人饮咗一啖已再调味嘅汤就停手。我同服务员示意都系咁淡,麻烦收咗啲汤碗,佢亦同时话同我取消个三食加表示歉意。
第三食鸭汤
5 浏览
0 赞好
0 留言

个片皮鸭已经足够令我哋个个都好失望,其他餸菜如下: -

1.     马拉盏带子蒸秋葵 – 带子粒偏咸
马拉盏带子蒸秋葵
7 浏览
1 赞好
0 留言

2.     乾葱鲜竹芥菜 – 好健康,而且啲芥菜仲好甜,腐竹索咗啲汤汁,加上乾葱粒嘅香同口感,配搭清新好味。
乾葱鲜竹芥菜
6 浏览
0 赞好
0 留言

3.     咸蛋黄鱼皮虾球 – 呢味系我个人最欣赏,香浓咸蛋黄份量足,厚厚一屠包住爽口大虾,虽然咸蛋黄系比较厚,但系一啲都唔腻,而且仲可以食到虾味。鱼皮夹咸蛋黄系完美的一对,香浓脆,最紧要系唔会有油膉味。
咸蛋黄鱼皮虾球
6 浏览
0 赞好
0 留言

4.     彩椒凤梨咕噜肉 – 呢味有水准,咕噜肉食落脆口,咕噜汁味平衡,肉肥瘦适中。
彩椒凤梨咕噜肉
6 浏览
0 赞好
0 留言


饮品就order咗: -

1.     PINOT NOIR红酒一支
2.     Dry Martini
3.     唔记得咩名同咩味但系又好甜嘅 Cocktail

甜品当然系叫咗佢哋独有味道嘅雪糕同雪葩: -

1.     五娘液朱古力雪糕 – 酒味绝不欺场,估唔到同香浓嘅朱古力非常之夹,配上一片十分香脆嘅芝麻薄脆,真系推介。
五娘液朱古力雪糕
6 浏览
0 赞好
0 留言


2.     花雕话梅雪葩 – 一入口话梅味好出,以为冇咩花雕味,一路食啲花雕味开始出嚟,清香嘅酒味加上清清甜甜话梅味,座上88岁老人家都赞不绝口。
花雕话梅雪葩
6 浏览
0 赞好
0 留言


总括食物方面只填鸭三食真系完全败笔,更别谈系酒店出品。其他餸菜类都不过不失,而且款式有啲都比较新颖健康。甜品方面我食咗嘅雪糕同雪葩都系冇得挑剔。
11 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2020-06-27
用餐途径
堂食
人均消费
$400 (晚餐)
庆祝纪念
父亲节
推介美食
第二食鸭崧
咸蛋黄鱼皮虾球
彩椒凤梨咕噜肉
五娘液朱古力雪糕
花雕话梅雪葩