容記小菜王

营业中

休息中

琴日同朋友一早約好咗去太子道西「容記小菜王」度食晚飯，舖頭喺二樓 (搭lift 上一層)，一上到去揀咗四人卡位，位係幾好坐的，亦尚算整潔。我地溢咗四樣野食，分別係燒肉、雜菜煲、牛柳粒同蝦球。首先黎咗燒肉，個皮都脆口，啖啖肉，送上黎都好快，如果個燒肉熱啲會再好味啲。個薯仔牛柳粒幾入味，但我鐘意再重口味啲，一般人食應該都足夠。另外，個蝦球就好惹味，有芝士粉同啖啖肉，正！不過，最有驚喜反而係冇乜期待嘅雜菜煲，可能琴日比較凍，啲好淋嘅西蘭花同好熱嘅湯撈埋白飯真係一絕，兜湯都幾乎飲哂。