正品蕃茄湯麵店 (已結業)

之前一直幫襯近千色點嗰邊嘅鋪頭,但嗰邊比較迫。今日行過西鐵站附近發覺開咗間分店，無多諗就走咗入去，呢度附近有好多食肆，星期六下晝來人流唔算多。見到有下午茶供應，但一心諗住食墨魚餅，加上太掛住蕃茄濃湯底，所以放棄咗下午茶。等咗十五分鐘野食終於出現，果然無拎我失望。蕃茄湯依舊濃郁，差唔多俾我飲哂，雖然要加六蚊，但絕對值得試，墨魚餅有兩大塊，好厚身，食完碗面，飽哂！