張公館

餐廳係29樓望住個開揚維港海景食～
星期一夜晚黎食大廳全滿👀
餐廳亦有私人房間 私隱度更高✨


🐖沙薑豬手🐖
豬手爽口唔油膩 沙薑味香而不嗆 非常開胃


🍲羊肚菌姬松茸水中花燉湯🍲
湯好清甜 菌香突出~ 入面仲有好巧刀工既豆腐雕花


🥬碧綠雲腿白玉環🥬
冬瓜用高湯燴煮完清甜入味 清淡得黎帶點鹹香


🍴鮑汁脆皮百花海參件蝦籽柚皮時蔬🍴
海參入面釀左蝦膠 外脆內彈
蝦籽柚皮煮得淋滑冇苦澀味 鮑汁濃郁非常夾


🥄生磨蛋白杏仁茶🥄
香濃杏仁味 蛋白增加咗層次 甜度岩岩好


🫘海帶綠豆沙🫘
綠豆沙煲得夠淋 加左海帶有咬口 好下火