影片
更多
2014-09-28
2534 浏览
是日老公大人有約，晚餐唯有自己搞掂。其實今晚想食好d嘅，但由於返工實在太攰，唔想去太遠，所以就喺屋企樓下搵食。對於呢間濱燒大將嘅印象還好。還記得它剛開張的時候我經常到它那兒買海膽刺身，當時一板加拿大海膽只是$120，味道還非常鮮甜，現在已經加到$288了，還轉用了日本細膽，對於海膽發燒友的我來說，日本細膽對我是零吸引力，所以今晚無食到。今晚點咗：清湯大蜆粥（2人份） $88 鹽燒黑毛豬（4片） $58個清湯大蜆粥喺餐牌上面個圖係用鍋上，仲寫明係2人分量，正！啱哂大食嘅我。但上菜時竟然係用兩個碗仔出?! 我問侍應：乜唔係用鍋上㗎咩？佢話：我哋分埋俾你嘛！（我入嚟時佢問我幾多位我答佢一位）佢見我不悅，就話：你想用鍋上呀？無所謂㗎，我都係倒返落個鍋度㗎咋！（佢話冇鍋我反而無咁嬲）最後我都係叫佢用鍋上返比我，因為我食嘢好慢，有個鍋熱住個粥無咁快凍。今次有進步，真係用鍋上，但係個鍋擺喺隻碟度上！真係激到血都噴埋出嚟！雖然真係好激氣，但公道d講，個粥係ok嘅。個粥係潮州粥既質感，即係泡飯。之前仲驚叫得清湯應該d味會幾淡，但湯底味道出乎意料地清甜，鹹味適中，吃後也不會有吃完味精的口乾感覺，湯還加了冬
是日老公大人有約，晚餐唯有自己搞掂。其實今晚想食好d嘅，但由於返工實在太攰，唔想去太遠，所以就喺屋企樓下搵食。
對於呢間濱燒大將嘅印象還好。還記得它剛開張的時候我經常到它那兒買海膽刺身，當時一板加拿大海膽只是$120，味道還非常鮮甜，現在已經加到$288了，還轉用了日本細膽，對於海膽發燒友的我來說，日本細膽對我是零吸引力，所以今晚無食到。
今晚點咗：
清湯大蜆粥（2人份） $88
鹽燒黑毛豬（4片） $58
個清湯大蜆粥喺餐牌上面個圖係用鍋上，仲寫明係2人分量，正！啱哂大食嘅我。但上菜時竟然係用兩個碗仔出?! 我問侍應：乜唔係用鍋上㗎咩？佢話：我哋分埋俾你嘛！（我入嚟時佢問我幾多位我答佢一位）佢見我不悅，就話：你想用鍋上呀？無所謂㗎，我都係倒返落個鍋度㗎咋！（佢話冇鍋我反而無咁嬲）最後我都係叫佢用鍋上返比我，因為我食嘢好慢，有個鍋熱住個粥無咁快凍。
今次有進步，真係用鍋上，但係個鍋擺喺隻碟度上！真係激到血都噴埋出嚟！
雖然真係好激氣，但公道d講，個粥係ok嘅。
個粥係潮州粥既質感，即係泡飯。之前仲驚叫得清湯應該d味會幾淡，但湯底味道出乎意料地清甜，鹹味適中，吃後也不會有吃完味精的口乾感覺，湯還加了冬菇和蛋花，使粥的味道層次更豐富但又不會搶走大蜆的鮮味，好！
到個黑毛豬。每張有點燒物嘅檯都會有個燒烤爐（有個網喺上面嗰隻）。個粉紅色頭髮嘅女侍應幫我開爐，個爐擺左喺我對面（大概距離6吋），佢拉開個爐嘅底部，倒咗d嘢落個盤度，然後點火。一點，"逢"一聲，個爐2吋範圍都係火，個侍應自己都"tun"後咗兩步，我塊面登時感受到嗰股熱力！擺近d，我d頭髮可能已經燒著咗！我嚇到哇咗一聲，但個侍應只係面無表情又好輕佻咁sorry咗2聲（sorry個尾音係高音）！隔離幾張檯嘅食客都用d類似同情嘅眼光望住我...
到碟黑毛豬嚟嘞。嗰4片豬喺幅圖入面係厚切嘅，但現實永遠係殘酷嘅。佢仲要用隻大碟上，顯得d豬更加渺小...話係鹽燒，但上面有黑椒....個粉紅色頭髮侍應幫我燒，但佢較到好大火，又成日行開，d肉燒到過哂火，又鞋又韌！仲有d燶添！
不得不提嘅係舖內通風系統極差，燒烤的油煙滿佈店內，好攻眼！仲俾d煙濁到咳！
埋單多謝$161
無下次！
张贴