喫茶ちょうぼ

今次黎食係主要同朋友慶祝生日，但遇著三位侍應嘅服務都唔掂，上次黎都唔係咁嘅質素。

我哋係週末過左lunch hour黎，客人唔多，7成都有空位。有位朋友遲黎，少左杯水，所以就叫侍應A攞多一杯水，佢用5隻手指頭攞住個杯頂（飲水位置）俾佢，衛生意識係邊到？🤢

搵侍應A落order就叫左佢兩次，佢都話等等，其實真係唔見有幾忙，周圍望啲客人都係暢談緊，無人排隊，佢個樣似係唔想幫我哋落order多啲。

到最後食完，我哋問左侍應B上蛋糕同清理枱面，等左15分鐘都無上蛋糕又唔收野，再問多次佢話 「哎呀！唔記得 即刻上」，轉個頭侍應C就直接隊個蛋糕喺枱，個蠟燭係插住但無點著，咁樣就直接走左去。嗰吓動作我真係以為係自己喺茶記。野又無收，乾淨餐具又唔俾，蠟燭又唔點，大佬想點？

再叫侍應B（因爲佢係我哋隔離），佢係眼神迴避慢慢抹枱攞放新餐具，重點係當時無人排隊等入座，咁係咪應該應左舉緊手叫緊你嘅客人先？

到之後B過黎先發現原來刀叉餐具都無，枱面又污糟，就係耳機到話C。B俾完新餐具我哋之後就幫我哋清理埋張枱面，過程中我哋係佢面前再問第三次 「唔該，可唔可以幫我哋點蠟燭？」 佢直接無視走左去，我同朋友真係r曬頭。
慶祝朋友生日點解要問幾次點蠟燭？係咪點個蠟燭好難？ 最後係叫侍應D，佢先過黎幫我哋點。

佢哋嘅口頭禪係 「等等先」，兩個鐘聽左n次，一係當你無到。效率最快係咩？咪就係埋單秒到囉，以後唔會再黎。