中環茶記 (已結業)

中環區食嘢不嬲貴，呢間茶記成為我新嘅飯堂，皆因佢抵食夾大件，侍應風趣幽默服務好。餐廳裝修走60年代風，老香港情懷。🔎煎蛋芝士火腿菠蘿包 $425寸菠蘿包好巨型呀！賣相非常吸引！菠蘿包熱辣辣，未上枱已經香氣四溢🤤菠蘿皮金黃香脆，入口香甜鬆化，而且好穩固，唔會一掂就變得鬆散。包身鬆軟有彈性，入面溶溶地嘅芝士，煎厚蛋同火腿，配撘埋一齊，滋味無窮！鐵板扒都係高質之選！🔎香煎美國牛扒配深海魚柳扒 $138好大份扒！真係好抵食！牛扒肉質軟腍，冇筋，唔韌唔鞋👍🏻魚柳扒真係好大塊！外脆內軟，肉質結實，唔腥冇雪味😋伴碟嘅薯角仲好香脆添！🔎香燒豬手 $148同樣地，都係好大份！豬手非常入味，肉質保持滑溜濕潤；豬皮鬆化軟腍，有彈性。除咗薯角之外，伴碟嘅蔬菜都好有鐵板鑊氣，同樣好味！🔎龍鳳檸樂消暑一流！🔎懷舊紅豆冰紅豆腍身易咬，淡淡嘅椰奶，香甜而不漏，仲好大杯！🔎海鹽柚子樂初嚐海鹽柚子樂，有驚喜喎，柚子清香十足，甜度適中，好清新！