Top Blade Steak Lab (希慎道)

营业中

休息中

由何文田岩岩開鋪一直支持, 但當何文田鋪服務變。明明寫著薯條任食, 以前會一望到你食完自動加, 係何文田鋪叫一次隔一陣都真係會加比你。以為銅鑼灣鋪會好d, 點知坐低加左少少薯條比我地, 我地食完先上牛排。諗住叫佢加d薯條餸牛排, 點知叫完第一次話要再炸。隔一陣, 見到佢同事拎住盤薯條夾比人, 繞鋪一周,去到我地到已經冇曬。當時食左一半既牛排已經開始凍, 本來已經又乾又硬, 凍左真係唔知點食。然後叫第二次,同一個待應面黑黑話炸緊嫁啦。幾分鐘後,又見到佢同事拎住盤薯條夾比人, 繞鋪一周,去到我地到又已經冇曬。嬲嬲地,食埋件牛排。再等多幾分鍾, 全店都加左幾次薯條, 冇人再加。再加上隔離入左檯新客, 要比薯條。我地終於有薯條食。但當我地食完d薯條, 同一個待應就好急清乾淨張檯, 要趕客咁。真係唔會再比機會。以咁既服務同食物,花園會係更好選擇。