GUM "JENG!" X 御前上茶 (已結業)

上星期屋企唔想煮飯，諗住係樓下求其食。御前上茶剛開業時黎過一次食甜品覺得都ok。見未試過佢既晚餐，一家人6大1小諗住試下，坐底時侍應拍埋左三張細枱比我地，咁我地有小朋友又有孕婦，亦見到餐廳並不是滿坐，隔離又有張空枱，就叫佢拍埋比我地；我地亦表明佢有客時會即刻騰空比佢，但餐廳員工用惡劣態度拒絕話好快會滿座，我地所有人都嚇一嚇，廚房員工更申個頭出黎用兇惡既眼神望住我屋企人。既然咁想趕我地走，我地惟有轉去附近餐廳食。食完回家途中經過呢度再望入去，依然只有兩成食客大量空位，唔知係咪D員工唔想做，總之今次以後絕不會再幫襯。我不要求你有五星級酒店服務，我都係入黎食餐飯，唔駛當我地仇人咁掛。