客家好棧 (東環商場)

营业中

休息中

今日去客家好棧飲下午茶。碗仔翅：好稀，但味道足嘅，亦都有冬菇肉絲呢啲料。以前食過蜆介鯪魚球覺得幾好食。呢個就咁酥炸鯪魚球，有啲普通。仲要稻香有六粒呢度得四粒，明明同一個集團⋯⋯呢個家鄉芋絲煎薄撐嗰邊好脆，係飽肚之選。蘿蔔糕同埋蝦餃，普通稻香有四粒呢度得三粒咋⋯⋯蘿蔔糕味道正常，但係蝦餃有少少怪味，可能唔新鮮。個燒賣好特別，都未見過梅菜鋪面嘅燒賣。我自己覺得味道同普通燒賣一樣，但係同行嘅就覺得好古怪唔好食負評。但值得一讚嘅係員工嘅服務態度好好。全場只有三個樓面一腳踢，但佢哋依然好有禮貌、好熱心、好勤快咁幫每一枱客人。服務態度攞滿分💯。