謝謝儂 (V City) (已結業)

打去book位十問九唔應，仲冇啦啦cut線。想叫人幫我地加水，第一個人話等等之後唔見人，叫第二次又唔見咗人，第三次又係唔見咗人。當時成間舖唔算多人，見到有店員行行企企。當日有朋友生日，所以買咗蛋糕入去。食完飯之後叫人幫我地拎蛋糕出嚟，叫咗足足4次，一個蛋糕等咗3，4個字先拎到出黎，當時已經9點幾，餐廳入面嘅客都清得差唔多。野食唔錯，但服務態度太差，我唔會再去第二次。