鬼滷 (已結業)

朋友約食飯，心血來潮想食潮州菜，上網見到呢間餐廳嘅圖片環境都唔錯，於是訂座慶祝生日，點知由入座到離開一刻都係一肚氣。收聲兩位年輕嘅侍應好似發緊夢咁，沒有任何招呼，回應亦冷淡。然後scan QRCode 點菜先大發現…menu 上的食物種類選擇少得可憐，仲要部份係已經售罄，計埋小食全個menu 應該唔超過15款選擇。食物質素其實正常，不過不失，但價錢絕對不便宜，如果真係想食潮州菜，寧願落返樓下新光更正宗，更多選擇。最後重點，當我哋加點食物的時候，佢已經隨即比張賬單我哋叫我哋離開，話限時90分鐘，而其實我見到仲有空枱。再加上我本身帶咗兩支香檳，我哋知道要收開瓶費，最後只開了一支，唯有匆匆埋單，但張單上原來收咗我哋兩支開瓶費嘅價錢。。其實我真係好少寫食評，但呢間餐廳真係一流，應該係我食過近年最差服務的一間，祝佢好運。P.s. 食物方面性價比不高。