翡翠拉麵小籠包 (已結業)

講起等位真係把幾火，事關食晏一粒鐘，便一早book好檯，點知門口位姐姐問人到齊未，有同事又剛剛咗洗手間，唔齊人。叫我地等齊人再通知佢大小姐，猛話點都要齊人先可以”排”下一張檯，就算booking都係咁話，點知一路有人walk-in，一路比檯人地，好了終於齊人話比佢聽啦，可以等下一張檯，點知佢又比0左張檯人地，佢話人地先過我，要再等下一張檯。(感覺有點黑箱作業!!!)，”吉”最後full曬，要等人食完埋單先有檯，門口原先一大棚人都無曬，想轉去第二度又難搵位。仲有一樣食古不化，仲有”吉”檯0既時候，死都要D客人響門口等齊人，差一位都唔得，五個人”洞”曬門口，又唔比人落定單，眼白白望住張"吉"檯比0左人，輪到自己齊人0既時候又無檯。結果六個人係門口呆等0左25分鐘先有位，落單，食0野，埋單都係用0左35分鐘，乜service???