影片
更多
2022-10-08
276 浏览
見到黃埔近排開左串燒店，之前行過兩三都比經過出面，見到都唔小人等候入座，就一直想試。黎到餐廳，友人想要熱水/暖水，職員都表示冇，只有常溫水，唔緊要。首先叫左四串串燒同埋灸燒肩押肉拌麵，分別係牛舌、海鰻、雞翼同雞腎。四串上到枱，隔左三分鐘食，雞翼入口只係微暖，雞翼細隻不得止，重燒到乾哂身，毫無肉汁。而雞腎就細粒得黎又硬又乾，完全唔知食緊乜。牛舌入面者係凍既，而海鰻既皮一黎唔脆，二黎都係燒到無哂水份。極度懷疑火夫係煮定串燒，落左單先係咁燒熱番表面，先會導致所有串燒只係微暖。以48蚊得兩串黎講，真係係低於水準。之後灸燒肩押肉拌麵，見到個樣咁靚，心諗應該唔太曳，撈緊既過程見到個麵有標煙，心諗好彩係熱既。試下塊牛肉，得個甜字，而個醬汁得個咸字，成碗野好似唔多夾，唔好食。最後再加左兩串串揚物，好笑既位係店舖職員上菜既時候係話，我估呢串係煙薰肉，我心諗下，咁都得既。然後我話我地無叫過煙薰肉，佢先去廚房睇埋出菜紙，跟住更正番係煙三文魚芝士卷。職員咁樣靠估黎介紹，我第一次見。另外一串係雞肝啡菇。至於味道，兩串都不過不失，即炸，所以係熱既。食埋呢兩串，其實我地都未飽，但係我地都唔想再食落去，成餐292蚊，
黎到餐廳，友人想要熱水/暖水，職員都表示冇，只有常溫水，唔緊要。
首先叫左四串串燒同埋灸燒肩押肉拌麵，分別係牛舌、海鰻、雞翼同雞腎。四串上到枱，隔左三分鐘食，雞翼入口只係微暖，雞翼細隻不得止，重燒到乾哂身，毫無肉汁。而雞腎就細粒得黎又硬又乾，完全唔知食緊乜。牛舌入面者係凍既，而海鰻既皮一黎唔脆，二黎都係燒到無哂水份。極度懷疑火夫係煮定串燒，落左單先係咁燒熱番表面，先會導致所有串燒只係微暖。以48蚊得兩串黎講，真係係低於水準。
之後灸燒肩押肉拌麵，見到個樣咁靚，心諗應該唔太曳，撈緊既過程見到個麵有標煙，心諗好彩係熱既。試下塊牛肉，得個甜字，而個醬汁得個咸字，成碗野好似唔多夾，唔好食。
最後再加左兩串串揚物，好笑既位係店舖職員上菜既時候係話，我估呢串係煙薰肉，我心諗下，咁都得既。然後我話我地無叫過煙薰肉，佢先去廚房睇埋出菜紙，跟住更正番係煙三文魚芝士卷。職員咁樣靠估黎介紹，我第一次見。另外一串係雞肝啡菇。至於味道，兩串都不過不失，即炸，所以係熱既。
食埋呢兩串，其實我地都未飽，但係我地都唔想再食落去，成餐292蚊，無下次！
张贴
