URBAN Cafe (彌敦道)

首先d姐姐全程黑面，最重要嘅資訊要問先講，入場只係話我知有$100最低消費，連3歲都要收，問佢$100連唔連加一都不能即時答到。初頭完全唔講有限時，到我問佢先話120分鐘。有個小朋友阻住d服務員落單，佢竟然用手撥開個小朋友，唔該借借都唔識講。叫佢寫菜等左5分鐘先肯過黎寫。D貓雖然好主動，但係佢地會跳上張枱舔食物，我嗰枱有隻貓係咁舔d食物殘渣，個姐姐竟然叫我唔好比佢食，大佬呀，我都唔想比佢食，你控制下佢好無？間cafe好逼，坐得唔舒服。唔會有下次。