酒鍋 (V Point) (已結業)

午市一人一鍋，揀三餸一麵，餐牌上飲品一樣都無，只問你要蔗水定可樂，menu 所有湯底圖片只供參考，係無上面嘅湯料架，麻辣鴨血臭豆腐唔好話唔入味，係無味，牛展得兩片，薯粉三啖食晒，菜都叫平價但唔會俾多你，得幾條菜絲，侍應得兩個，態度差，忙完企入廚房傾偈，餐跟薯粉都要追幾次。伏中之伏！連加一$85.5，真心衰過車仔麵，一d都唔飽，仲一肚氣！問侍應有無得加薯粉，佢話：加錢咪有囉！張枱面無痴立立架！我手袖唔覺意掂到都痴住枱面，衛生狀況欠佳！睇見晚市咁多好評我以為係另一間舖添呀！