榮式燒雞扒 (吳松街) (已結業)

今日去完醫療探病，諗起好耐冇食榮式雞扒，所以過黎食。入到去滿大半，有張吉既4人台，我一個人就費事佔人地大台啦，坐左係旁邊單人吧台位。叫完野等食，拿手機出來看，隻手放在台上，台面實在太小，怎知道今次好快有得食，個侍應拿住碟飯行過黎，一埋黎見到我兩手放台上玩電話就大叫“喂！”然後放低碟飯係我隔離台面走左去，離晒大譜冇禮貌到咁！跟住我見佢行返入去水吧位繼續做野，就算忙都唔係咁下麻？再到食物，雞扒依然好食，但個蓮藕餅已經變晒，一眼睇落去已經同以前果的唔同樣，食落更加係，得肉餅，冇DD蓮藕碎細細粒係入面，肉勁多，已經係唔好食。的菜甫碎又得雞碎咁多，唔係講笑，得一個五毫子面積大咁多咋。以往就算飽都會食晒件雞扒2件蓮藕餅，今次個蓮藕餅我只係咬左幾啖，剩返一件半。食物水準下降，服務更差！我諗榮式雞扒可以唔使再黎。