餐廳位置係對住海邊，大家可以選擇坐係出面，趁住秋意既初到來，更加增添一份浪漫與寫意。
餐廳內放滿很多文青風既擺設，好舒服！
仲有包場服務，環境一流，服務態度讚揚，每位店員都很有禮貌及貼心！
仲有高枱選擇，適合一大班人gathering
仲有自家曲奇餅賣，真係小店獨有既福利
有機洋甘菊 $35，並非茶葉茶包十分幽香，好有舒緩心靈既感覺，必推
玫瑰荔枝梳打 $38，玫瑰愛好者要試，因為係有好自然既玫瑰花香味十分重。
青醬蕃茄牛油果配新鮮水牛芝士沙律 $82，新鮮蕃茄配牛油果有軟淋口感，水牛芝士係本小姐的大愛！青醬係好綠悠悠感覺而又有帶點酸甜，係開胃菜！
香辣蒜片虎蝦厚薄餅 $128，切成六份，每一份都有原隻虎蝦，認真製作！
要來個大特寫，表演一下熱辣辣既芝士
忌廉黑松露煙肉意粉 $87，黑松露味重，滿滿既忌廉汁加煙肉，大大滿足左個胃！
綠茶窩夫 $55，軟心一粒粒既窩夫，滿載綠茶味，有少少既甘苦味，配以士多啤梨味既雪糕。為呢個晚餐畫上完美既落幕！
真係要讚讚呢度既服務，由入座、點單到上菜，每位店員都有禮貌、又有貼心既服務！真係食得又開心
