阿利水韓國料理 (已結業)

几年前去过阿利水食Lunch ,都唔错咪谂住再同朋友今晚去食晩餐。店内有位态度非常之差嘅女待应，我哋八点钟未够就话冇晒牛肋条所有牛肋条做嘅食物都冇，跟住问佢牛肉拼盘原本有牛肋骨嘅有乜，佢好唔情愿咁入去厨房问完出返嚟同我地讲剩系得牛肉片同牛肉片，连牛脷都冇。咁我哋再望吓个Menu之制想问下佢有咩系有佢啤我哋一眼就行开咗！最终我哋叫咗牛骨汤，分开叫一碟牛脷，同埋牛肉。佢哋好快咁上菜，但食韩国菜最精彩嘅莫过于系啲小菜，除咗有传统嘅kimchi之外，佢竟然够胆死放两粒西兰花再加pat辣椒酱！每碟都系两小旧，仲只可以refill四样一次！个女待应个样长期好似俾人虐待紧咁，我哋想再加个海鲜豆腐汤，间铺头只系得三枱人佢都可以漏单，我哋等左20分钟再去问佢，佢理直气壮咁同我地讲我有入单不过厨房冇出单啫！食物嘅份量同价钱完全唔成正比，三个人食咗七百几蚊，仲要俾啲咁嘅服务。我唔知米之莲点样比推介佢啰，一定会再帮衬！牛骨汤D牛骨雪味好重，汤头加超多味精，个海鲜辣豆腐汤得几粒缩到唔见影嘅蚬，连虾都冇只！