鳥海山鐵板燒 (已搬遷) 新店位置

今日嚟到长沙湾揾好耐冇见嘅朋友食饭，咁岩见到有間鐵板日料，门口同入边装修都好靓，于是入去试一下。呢个铁板比目鱼价钱唔算太贵，但系味道真系好好食。佢可以煎到外脆内嫩，而且咸味适中，值得一试。个铁板大虾水平都可以，但系本人觉得可能唔系好够味，不过只虾够大只质量好好，好新鲜。个铁板一口牛好驚艷，煎得一啲都唔老，同埋係夠味既。炒饭入边啲料好多，有鸡蛋樱花虾同蔥，因为我好钟意樱花虾嘅味所以我觉得呢碗炒饭好啱我口味好优秀。铁板椰菜都OK好似普通炒菜咁不过不失。朋友叫咗好多款刺身，有拖羅三文鱼仲有啲我都唔识，第一次见嘅刺身。唔食唔知原来呢度嘅刺身系真系好新鲜，入口即溶嘅感觉，就连最普通嘅三文鱼都觉得好優秀。同埋呢度比较安静，服务态度又好，系同朋友相聚嘅好地方。