上星期有個舊同事突然約我食飯
最初以為聚舊，估佢唔到有驚喜
原來係同我慶祝生日
差啲連自己都忘記左岩岩生完日
真係好sweet
講番啲食物先
呢間之前都有聽過，但就無食過
見佢最出名個菜色，就梗係點黎試下啦
FireBird名物 重量級火焰原隻雞腿
都幾大隻，店員送上張檯後
再淋上酒再點上火，賣相都幾震撼
火熄滅後，店員就將雞腿起骨
熱辣辣真係好吸引
雞腿旁仲有青椒紅椒做配菜，可以減低個油膩感
FireBird 三代目軟殼蟹沙律
呢個沙律比想像中份量多
真心抵食，軟殼蟹都好大舊，個沙律有好多配料
沙律醬都落得好足，食晒成兜都唔覺膩
明太子芝士椰菜燒餅
本身實太鍾意食日式燒餅
所以見到都即刻叫左
燒餅上面一半係明太子醬汁
一半係平時日式燒餅醬汁
兩種味道都覺得好好味
燒餅入面仲有芝士，食既時候仲有拉絲添
火山熔岩鮭魚卷
見到個名咁特別，所以叫黎睇下係點先
個菜式賣相都好似火山
上面最頂有炸左既紅蘿蔔絲
下面就有炸左嘅壽司
再有少少沙律醬點綴
估唔到壽司炸左都幾好食
自家製免治雞肉棒（配鮮蛋黃）
依款免治雞肉棒之前係其他地方食過
見到呢度價錢唔貴，所以都食下
啖啖肉好好味，呢個價錢算抵食
慢煮日本產雞肉稻庭烏冬
最後因為怕唔夠飽，所以嗌咗稻庭烏冬
雞肉經過慢煮，肉質好嫩滑
食埋碗烏冬就真係大滿足
Lychee Frozen
食野又點少得叫埋野飲
我叫咗呢杯特飲，賣相好靚，而且都幾大杯
冰火日本甜薯雪糕
最後突然間上咗個甜品
原來朋友喺訂座嗰陣時預訂咗呢個生日甜品
真係夠晒驚喜，雪糕下面有甜薯
全部都係我鍾意食嘅嘢，好好味
