到達的時候朋友已經率先攞咗座位，感覺好幸福
，因為眼見門外有十多人排隊輪候
入到韓菜店，第一時間當然係上醃菜啦，好好食，仲可以添，泡菜果然真係要喺韓菜店，味道先至夠正宗
由於小妹真係好鍾意食甜辣炸雞，眼見餐牌有就一定要試試佢，真係完全無揀錯，好食呀
熱辣辣又甜絲絲，雞唔會過熟粗糙，少少一碟，唔會過多又過到口癮～份芝士蛋捲亦令小妹諗起昔日去韓國食過嘅味道，芝士唔會過多而覺得膩，剛剛好
至於個海鮮泡菜鍋，我諗如果冬天享用會非常有幸福感，熱呼呼的
最可惜係，時間只有90分鐘，想慢慢品嚐，小酌幾杯確實有點不夠舒暢，不過明白係想更多人可以品嚐美食，都係一個平衡嘅方法～～
大家品嚐美食可能就要花啲時間去排隊等候啦，亦建議可以早少少用餐，咁攞位時間就唔駛等咁耐
