因為時間關係所以冇乜人，空間及聲量都十分舒服😌
係朋友推薦黎食既cafe
必食係通粉+荷蘭鬆餅
🤍煙三文魚忌廉扭紋通粉配荷蘭鬆餅 $108
第一次食荷蘭鬆餅🥞覺得好特別
上面既通粉好好食🤤係我宜家一路打一路會回味既忌廉通粉
煙三文魚係切碎混合在通粉中，可能因為熟左，所以吾係好食到佢既味道
鬆餅配埋忌廉通粉一齊食OK，不過因為好滿（會山泥傾瀉）所以我食哂通粉先食鬆餅
而鬆餅淨配餘下既汁，就冇乜味，好想加蜜糖🤥但係就反而食到鬆餅原有既味道，都吾錯
喜歡佢鑄鐵鍋焗出嚟既鬆餅皮，咬落去入面係鬆軟的
🤍Nutty Latte with Oat milk and Hazelnut $52
聞落去好苦，但係飲落去OK
其實我吾係飲開咖啡😝所以對於咖啡豆同味道冇乜研究🧐
不過成杯都吾係好飲到Hazelnut 既味
🤍墨西哥辣肉醬和牛漢堡配薯條 $118
男友點既漢堡包，我食左中間夾層既燒菠蘿🍍，燒菠蘿係好食的
而薯條都好脆，幾好
係一間可以encore的店
