鴨仔冰室 (已結業)

今日出觀塘搵個朋友食lunch，佢係果頭返工當然由佢揸fit食咩，佢就帶左我黎呢間抵食既fusion菜～Set lunch包主菜+沙律或餐湯+餐飲，五十零蚊就有交易👍我叫咗個日式咖哩豬仔髀飯，朋友叫左個番茄煙肉腸仔燉牛肉飯～餐湯係羅宋湯，味道偏酸非常開胃～店員一放低個豬仔髀飯我就聞到超級香既咖哩味！豬仔脾有三大件，好抵食～切開裏面口感嫩滑，伴碟有椰菜，香菇同紅蘿蔔，配埋咖哩送飯一流👍👍朋友話佢嗰個番茄汁濃稠同調味都適中，煙肉好香，牛肉juicy，水準唔錯～觀塘呢個咁繁忙既工商業區黎講呢間既lunch性價比真係超高！👏👏