話唔記得店名，就係記得肉肉拉麵（招牌）
拉麵真係唔係間間都整得好食
所以我本身唔會話特別喜好食拉麵
但依間朋友真係冇介紹錯
朋友話佢老公鐘意食濃湯好正
而佢自己就鐘意清湯（鹽味）加埋2匙羹仔蒜泥已經夠味好正
於是我叫左個基本拉麵
揀左豬骨清湯（醬油味）
試左幾啖原味先，之後再學朋友加返個蒜泥
果然個味道又真係提升左個層次😍
拉麵好煙韌唔會淋子子
糖心蛋叉燒都好正！
最like輕食又得，大份量又有得揀！
唔駛怕食唔哂或者唔夠飽！
同埋好欣賞餐廳準備左冰水
冰水送拉麵一流！
依樣都係跟返日本文化！
令人食完更加舒服！😁
