Ulyssa by Aldou (已結業)

今日難得番舊公司聽講座，當然要約埋老死舊同事食晚飯，講下想當年。上網見呢間西餐廳有得訂位，仲有折 ，離舊公司同MTR又吾遠，咁方便，當然要試下。呢度無一般街舖或商舖既煩囂，反而多左一種寧靜慢活既感覺。呢度環境舒適乾淨，燈光偏暗好有情調，傾密偈岩哂。牛油果同藜麥好夾，沙律菜好新鮮，賣相擺法亦好有心思，吾同顏色既醬一點點咁點落碟上，好colorful。第一次食耳形粉，配埋切成立方體既辣肉腸，口感好特別。個碟邊用醬汁畫左線形圖案，賣相幾有藝術感。朱古力布丁賣相同樣吸引，上面既cream少甜，配埋下面特濃微苦既朱古力布丁，好有層次感。估吾呢度連甜品都咁有水盡。門口佈置簡約。一出lift就見個門口。呢度連lunch都有折，下次一定要🐍出黎同舊同事再食過。