餐廳內外
間店睇落唔算大，但都幾乾淨企理。入面座位都唔算少，所以等既時間唔算長，可以接受既。
食物選擇
1
排隊既時候，店員會比餐牌客人。決定好食咩之後，就可以向店員落單，埋位就可以等上菜。反正排緊隊都無咩好做，可以慢慢睇餐牌，又可以慳返啲時間，唔錯。睇餐牌，除左泡飯仲有好多唔同既選擇，煲仔湯都好似唔錯咁。但既然為左泡飯而黎，梗係要食泡飯。
墨魚手指魚腐龍蝦湯泡飯 $98(加半隻龍蝦)
我同朋友都係揀左泡飯。我既係墨魚手指魚腐龍蝦湯泡飯加半隻龍蝦。碗入面除左龍蝦，仲有花蛤、青口、魷魚、生菜。先試左啖龍蝦湯，湯比較清，但一入口就可以試到濃郁既龍蝦味，唔錯唔錯。然後梗係要食左個龍蝦，雖然只係半隻，但都唔少野，塞到滿我個口，但龍蝦肉略嫌乾左少少。跟住試左墨魚手指，除左墨魚肉，仲見到有青豆係度，食下食下仲食到栗米添。碗飯本身就比較乾身，但浸入湯入面，吸滿湯汁，軟硬就岩岩好啦。
殿．海鮮龍蝦湯泡飯 $98
1
朋友試既係殿‧海鮮龍蝦湯泡飯。主打海鮮，所以碗入面既海鮮種類同數量都我多，特別係多左一隻帶子，而其他既其實都一樣，相對上佢果碗好似仲抵食。
對於呢個價錢黎說，真係又平又大碗。我同朋友對於呢一餐都好滿意，一定會再返黎，下次除左食泡飯，仲想試下佢個煲仔湯。
