Bougel Cafe & Bakery

营业中

休息中

呢間鋪以前係屯門華都商場地下，一直都想試下，點知再去嘅時候已經搬到去屯門友愛HANDS商場地下。新鋪比舊鋪裝修雅致好多，綠色主調襯木枱，感覺舒適👍🏻 今次就去咗試下佢地嘅早餐set,分別係法式火腿芝士牛角酥及薯仔蛋沙律貝果 。可惜，越期待就越失望 ，兩款麵包完全一啲暖都冇，貝果偏乾硬唔出奇，但奇在連牛角酥都麻麻，一切開裡面嘅芝士完全一啲融化都冇，好似只係放咗啲火腿同芝士咁樣，一啲焗完嘅感覺都冇 。我估計佢地啲麵包係自家製，因為我見到佢地係廚房搬啲麵包出嚟，但就一啲麵包嘅香味都聞唔到😢。 咖啡都係令人十分失望，都係一啲咖啡嘅香味都冇，而且早餐黎講，價錢一啲都唔平，咁嘅質素，真係要有待改善 。好在佢地嘅服務唔差，總算加返少少分數 。