影片
更多
2021-06-09
79 浏览
約咗屋企人食飯一早訂咗枱食私房菜。揀好咗菜單。揀咗四百幾蚊一位左右真係抵食！去到餐廳服務好好，好快就有嘢食！首先前菜係沙律菜伴芝麻醬及茶燻流心蛋伴黑魚子醬配厚切茄子。呢兩道菜一齊上，賣相精緻，好似中西合璧咁。沙律菜配上芝麻醬幾穩陣，菜翠綠新鮮。另一個流心蛋上邊有啲黑魚子，感覺高檔。流心蛋成隻色好滿足。茄子我平時一般，但係呢一個茄子整得好食😋一開頭已經相當有驚喜。海椰皇仔燉鷓鴣黑毛豚肉湯，有椰香。估唔到鷓鴣黑毛豚肉湯會咁甜，好好飲呀。小菜有椒鹽豬肺，又唔錯喎！開頭怕內臟唔知咩味道，但少少辣味又幾夾！魚揀咗油浸馬友，魚肉幾多。江南百花雞聽個名已經夠特別，有芝麻好香。又靚又好食！菜就係蟹黃瑤柱時令鮮蔬，有蟹肉唔錯。最後一道菜係他鄉炒米絲，係好幼好幼嘅米粉，有黑毛豬火腿，簡單炒都幾好食！上哂菜道到糖水喇！我最愛嘅芝麻湯圓！好正！
約咗屋企人食飯一早訂咗枱食私房菜。揀好咗菜單。揀咗四百幾蚊一位左右真係抵食！去到餐廳服務好好，好快就有嘢食！
首先前菜係沙律菜伴芝麻醬及茶燻流心蛋伴黑魚子醬配厚切茄子。呢兩道菜一齊上，賣相精緻，好似中西合璧咁。
沙律菜配上芝麻醬幾穩陣，菜翠綠新鮮。另一個流心蛋上邊有啲黑魚子，感覺高檔。流心蛋成隻色好滿足。茄子我平時一般，但係呢一個茄子整得好食😋一開頭已經相當有驚喜。海椰皇仔燉鷓鴣黑毛豚肉湯，有椰香。估唔到鷓鴣黑毛豚肉湯會咁甜，好好飲呀。
小菜有椒鹽豬肺，又唔錯喎！開頭怕內臟唔知咩味道，但少少辣味又幾夾！
魚揀咗油浸馬友，魚肉幾多。
江南百花雞聽個名已經夠特別，有芝麻好香。又靚又好食！
菜就係蟹黃瑤柱時令鮮蔬，有蟹肉唔錯。最後一道菜係他鄉炒米絲，係好幼好幼嘅米粉，有黑毛豬火腿，簡單炒都幾好食！
上哂菜道到糖水喇！我最愛嘅芝麻湯圓！好正！
张贴
