U IZAKAYA (已結業)

今晚約咗好朋友去試新餐廳，銅鑼灣多日本菜，但想食到有特色嘅日本菜就要做少少功課！訂了U IZAKAYA，聽講有特別嘅海膽菜式！點咗個海膽set dinner蘋果菜單有好多道菜，睇落去都好豐富！首先有牛油果虎蝦沙律配黑松露，加了點點蜜糖調味，成個感覺好清新，但又有黑松露香氣，健康又好味！超豐富嘅刺身壽司盛！壽司有火炙左口魚邊，好香好多魚油！松葉蟹肉上面有蟹膏，好鮮甜！吞拿魚腩肥瘦在口腔交替，不會很膩！還有磯煮鮑魚、三文魚同油甘魚！鮑魚入味又彈牙，三文魚肥美！全部都好新鮮！燒物有雞肉大蔥，蘋果豚肉卷同雞軟骨！蘋果豚肉呢個配搭好新穎，蘋果爽甜中和肉的油膩！跟住有海膽迷一定鍾意嘅雲丹三點！分別係海膽炸豆腐，海膽忌廉餅同日本海膽味噌甲羅燒！好精緻，滑豆腐炸到外面脆卜卜，上面分別有3款海膽，有特色之餘又好滋味！海膽忌廉餅炸到好鬆脆，一咬開滿滿海膽忌廉，好濃郁嘅海膽味！甲羅燒有好多三文魚子，仲有蟹膏同好多海膽，鮮味到不得了，加落多士度，食完一塊又一塊！第一次食黑蒜椰菜仔，好有口感，黑蒜片炸到好似薯片咁脆，椰菜仔好爽口，幾惹味！黑毛豬肩肉好多肉汁，juicy，肉質彈牙！加上芥末都好match！最後一道