迎東壹號茶餐廳

营业中

休息中

中午同老公二人到迎東邨食飯，大約1:30左右，唔使排隊，兩個人坐一張八人大枱，枱面有茶水可以自己倒。睇睇餐牌後，好快就落order，差不多5分鐘後就有嘢食，效率快！因為我要減肥，所以叫咗碟素嘅，叫咗紅燒豆腐飯，好好味，份量亦都好足夠，除咗豆腐，有菇同埋菜心，汁好夠，成碟野非常滿意好好食。至於老公叫咗一碟XO醬海鮮炒烏冬，上嘅時候都係熱辣辣，味道好份量夠，有青口、魷魚、蟹柳、芽菜。總括而言，呢間茶餐廳食品味道同服務質素好，不過留意價錢，中午食就平好多，夜晚嚟就會貴少少。