影片
更多
2012-12-06
13 浏览
因為之前食過份量好細, 被飯桶老公投訴「未行出門口已經肚餓,」所以好耐都冇嚟博洛呢亞食晏.咁點都應該俾多次機會佢嘅.餐牌都係咁上下, 主角都係281(?)層牛油包, 點菜時, 服務員態度一貫日本風, 好有禮貌, 但廣東話真係要再努力啲, 「今日紅湯係炸菜湯」吓! 炸菜湯咁新奇, 但點解係紅色的呢?再次求證, 原來是雜菜湯, 唉!個雜菜湯雖然好細碗 (抑或係個湯匙大?)其實老火鬼佬湯, 非常濃郁好味.但老公的沙律就麻麻了, 份量少都算了, 啲菜碎濕濕咁, 枝叉又怪雞, 完全拮唔到嘢, 差啲想用個湯匙食!個丹麥牛油包真是好好好好味.老公點了紐西蘭薄牛扒&三文魚 $98佢切了一片牛扒我食, 因為薄, 所以冇需要話幾成熟了,牛扒的質量幾好, 有牛味, 完全唔韌, 至於塊三文魚, 老公話good.我點了咖哩鯖魚飯&吉列蠔 $78呢個配搭都幾奇特, 但效果就唔太理想, 1) 咖哩飯okay.2) 燒鯖魚熱辣辣, 本來幾好, 但冇醬汁跟, 飯裏面的咖哩又太杰, 黐唔到去塊魚度.3) 吉列蠔又細粒, 炸到乾爭爭, 個吉列coating硬到咬唔開, 把鬼, 放棄.總括嚟講, 非常失敗.好在有日本香濃咖
因為之前食過份量好細,
被飯桶老公投訴「未行出門口已經肚餓,」
所以好耐都冇嚟博洛呢亞食晏.
咁點都應該俾多次機會佢嘅.
餐牌都係咁上下, 主角都係281(?)層牛油包,
點菜時, 服務員態度一貫日本風, 好有禮貌,
但廣東話真係要再努力啲,
「今日紅湯係炸菜湯」
吓! 炸菜湯咁新奇, 但點解係紅色的呢?
再次求證, 原來是雜菜湯,
唉!
個雜菜湯雖然好細碗 (抑或係個湯匙大?)其實老火鬼佬湯, 非常濃郁好味.
但老公的沙律就麻麻了,
份量少都算了, 啲菜碎濕濕咁,
枝叉又怪雞, 完全拮唔到嘢, 差啲想用個湯匙食!
個丹麥牛油包真是好好好好味.老公點了紐西蘭薄牛扒&三文魚 $98
佢切了一片牛扒我食, 因為薄, 所以冇需要話幾成熟了,牛扒的質量幾好, 有牛味, 完全唔韌,
至於塊三文魚, 老公話good.
我點了咖哩鯖魚飯&吉列蠔 $78
呢個配搭都幾奇特, 但效果就唔太理想, 1) 咖哩飯okay.
2) 燒鯖魚熱辣辣, 本來幾好, 但冇醬汁跟, 飯裏面的咖哩又太杰, 黐唔到去塊魚度.
3) 吉列蠔又細粒, 炸到乾爭爭, 個吉列coating硬到咬唔開, 把鬼, 放棄.
總括嚟講, 非常失敗.
好在有日本香濃咖啡打救
题外话/补充资料：
本來想俾個ok, 但都係大方啲俾個笑臉支持下,
因為餐廳顧客好多日本人,
講嘢好溫柔好細聲, 安靜溫馨,
我地旁邊坐了三個日本媽媽加三個幼稚園男生,
六個人加埋都唔夠隔離海南少爺一個細路咁嘈.
請你地努力改善菜單, 我是真誠希望經常幫襯的.
(以上食记乃用户个人意见 , 并不代表OpenRice之观点。)
张贴
