巷·弄 (已結業)

放工想食台灣野，上網揾左呢間，好似呢相幾靚，打算試下。入到去餐廳，當時大概得50%入座，冇職員同我地打招呼，我地都係自己見有位就坐低左。我嗌左個12小時慢煮豬軟骨飯，個飯黎到嘅時候， 我心諗點解咁少汁嘅， （可能平時食台灣嘢我都鍾意食滷肉飯， 感覺上係要有啲汁撈住啲飯會更好味。 ）點知第一啖食落去，咸，好咸！！！ 終於明點解咁少汁， 成餐飯我連豬軟骨上面少少汁都想刮走， 然後要用好多飯一齊食， 都仲係覺得好咸。🥵男朋友嗌咗一個 糖醋鳳梨豬里脊食落都好香嘅， 主要係因為洋蔥， 肉質有啲柴，但係味道其他嘢都ok， 不過就唔覺得自己食緊台式嘅野， 反而有少少大排檔嘅小炒中菜feel😅另外仲嗌咗一份小食滷豆腐感覺上佢呢一間嘅豆腐比較實淨， 個人覺得滷得唔係好入味， 但同時係食到有咸味🥲最後，覺得間舖個樓面員工淨係掛住傾計， 成餐飯附左上菜同落單之外，都唔見咗人咁。整體黎講，有啲失望嘅， 希望可以改善同加油。