阿伯燒魷魚 (已結業)

行到去大澳出名賣雞蛋仔既舖, 發現有5-6個人排隊, 再向前望就發現有一個好得意既魷魚伯伯, 佢真係好鬼得意, 一路燒一路好似做 show咁, 為咗要睇佢趣緻既動作, 所以就排埋一份, 一路睇就一路影佢, 佢又好鐘意比你影, 真係啱晒. 影影吓終於到我嗱, 我叫咗$10/3只魷魚(食落都幾多), $20/黃花魚子(即係魚春). 魷魚燒好之後佢又會修吓, 跟住就剪成一小條方便食, 咁樣整小不免會有D"趙"口, 但ok 既, 個汁都幾好, 小小甜唔會太咸. 黃花魚子就好香, 唔"聲", 可能因為係晒乾再燒, 所以始終有D un un 地咁, 味道都幾特別, 不妨一試. 如果個汁可以有辣有唔辣咁比人揀, 燒好之後用個D魷魚絲轆; 轆吓D魷魚就更好喇. 如果D魷魚係轆過, 我諗我要買 $20 先夠.