樂天大喜屋 (已結業)

香港有好多放題，但每次想食嘅時候我多數會想起大喜屋，因為好少會伏又多嘢揀...次次都食到攬住個肚走，今次當然都唔例外只係估唔到星期一都要排隊先入到。坐底揀刺身同壽司已經係我指定動作，刺身質素keep到之外，赤貝真係唔多地方有大喜屋就有仲要又爽又甜，手卷都係偏高檔有海膽，蟹膏同吞拿魚蓉全部都係我愛食only海膽我一個人都食3舊，個蟹膏就好甘香，食完個口腔仲有陣陣嘅蟹膏香味，唔係怕膽固醇過高我真係食多幾舊，我齋食依刺身壽司都已經飽咗一半，當然食放題有咁多選擇我一定要留肚食其他... 我見到有張款嘢我就先揀咗個沖繩簿燒牛肉，依個每份需然得3片牛，但超濃郁牛肉味一啖一片相當唔錯，之後再食炸物個南瓜香滑，日本蕃薯仔好香甜，再食幾串串燒後已經飽到不得了，休息一陣都係要食埋個雪糕先係最滿足。