MEMOIR (已結業)

平日工作繁忙，閒餘時間好需要一間環境舒適．食物質數高嘅餐廳嚟滿足一下。Lunch Set 有唔同主食選擇，追加小食嘅款式都好吸引。跟餐嘅<粟米忌廉湯．沙律> 賣相同味道已經令我期待主菜嘅來臨🔴 菠菜汁煙三文魚扁意粉加入菠菜製成嘅忌廉汁，同意粉嘅比例恰好，每條意粉都沾滿汁，煙三文魚唔會太鹹，綠色配橙色又幾靚🟠 香煎澳洲10oz西冷扒配韓式燒肉汁厚切嘅西冷扒，五成熟就剛剛好，口感夠軟唔會靭旁邊嘅薯條灑上滿滿嘅紫菜碎，完全唔需要茄汁一樣好味🟡吉列牛肉薯餅外層脆口，包裹著軟綿綿口感嘅薯餅，仲有牛肉碎，即叫即炸...熱辣辣🟢 蜜桃薄荷特飲呢杯確實係《有外表．有內涵》嘅特飲賣相已經係100分，非一般蜜桃味，好清甜，加上薄荷葉...好飲🔵 紅莓汁紅莓汁酸酸甜甜，健康之選🟣 咖啡蛋糕甜品好精緻，咖啡味好香，夾著嘅cream都好滑，為今個午餐劃上完美嘅句號。