Pizza Piazza

营业中

休息中

听日就去台湾旅行，于是就同朋友约左系荔枝角行下街同睇戏，望见之后连续几时都会食台湾菜，所以一于系飞之前食个西餐做个了结，亿利工业中心不嬲都有好多卧虎藏龙嘅餐厅，我地就拣左系呢到食PIZZA。呢到主打系手工薄饼，我地就叫左个蟹肉大虾薄饼，由于系即叫即做，所以制作需时，先黎嘅系前菜，分别有餐汤同餐包，呢到嘅餐包好有特色，包上面舖满芝麻，令到个味道更加香，而且送过黎仲好热辣辣，面包外脆内软，中间搽埋牛油令个味道更加香同惹味，好有惊喜!仲有忌廉蕃茄薯仔汤，入面仲有薯仔粒粒，加左忌廉个口感更加香滑。蟹肉大虾薄饼：呢个系一个新款嘅薄饼，薄饼底好薄，焗得好脆，上面舖上蟹肉、大虾、彩椒等，仲加上沙律酱，令味道更加香浓，食极都唔会厌，而且唔会觉得好油腻同滞。辣味鸡翼：焗得金黄香脆，肉汁丰富，肉质好嫩滑同入味，配上辣汁味道更加惹味，好好食! 开Party必食小食!热朱古力：自家冲泡，上面仲画左个细心心，朱古力非常香浓，朱古力味甜带微甘，甜而不腻，有一种幸福感。