牛涮鍋もっと (已結業)

今日同友人慶祝生日，揀左呢間唔洗等位既邊爐食。呢間邊爐算新開，環境新淨，抽氣亦都好好，無太大陣既邊爐味。揀左$228既美國SRF和牛，揀左櫻花蝦沙嗲同豬骨湯，牛落櫻花蝦其實食落無咩特別，但落豬骨湯就覺得好食左。講完牛，就講下出面拎既食物，竟然見到有幾款炸物，仲要有三角薯餅又有湯飲。味道正常，但炸物唔係好熱，但都仲脆口，算唔錯。再望下啲丸，款式種類係偏向芝士，愛吃芝士既一定要試車打芝士丸，而個墨魚滑就一般，而其他配菜無咩特別。我飲個提子汁好淡，好似溝左好多水咁，雪梨汁就幾清甜。整體用餐感覺係良好，舒服，乾淨同唔算嘈，要讚下多數邊爐店放調味料既位都好多碎同豉油係地下，呢間就無呢個問題，普遍食下邊爐吹水係唔錯既選擇，希望可以一直保持下去。