金利銀輝茶餐廳

Lee 間在區內出曬名，根本唔我宣傳😎食咗好多年都未寫過，所以今次留個記錄🩷 電視節目效應，呢幾晚都買茶餐廳外賣俾屋企人食（琴晚個芙蓉蛋飯同埋魚香茄子飯冇影低相），今晚嗌咗小菜西檸煎軟雞同埋家鄉蒜蓉蒸茄子，例湯係合掌瓜，再加白飯同凍檸茶，盛惠$177。兩盒小菜嘅份量足夠，蒸茄子第一次叫，夠焾夠味好送飯，西檸雞係情意結，外賣返到屋企先食其實已經唔夠脆，but it’s ok! 食兒時回憶。個例湯有誠意，有成4件合掌瓜，成餐飯嘅蔬菜比例頓時增加！ 唔覺得個湯有味精，所以飲得好舒服。