隱町 (馬頭圍道) (已搬遷) 新店位置

已經是第二次嚟呢間日本串燒。沙律可以揀配料，今次揀咗豆腐，很有心思，除了軟豆腐之外，還有炸豆腐。黑板上嘅紫蘇葉蝦天婦羅餅係必食。清酒煮北寄貝，北寄貝都幾大隻，味道濃郁。串燒方面點咗豬腩肉同免治雞肉棒，好味。但串燒帶子不敢恭維，唔夠香。另外再點咗芝麻雞翼同炸雞，兩款味道都唔錯，好香。最後叫咗燒飯團，好耐冇食過外脆內軟嘅燒飯團，非常之好，外面嘅飯焦燒得恰到好處，必食。餐廳座位唔算好多，大約10個吧枱位，及20個枱位，坐得好舒適好寬敞。服務員態度殷勤。唯餐廳提供嘅日本清酒，價格略嫌太貴。