橋底辣蟹 (雅閣大廈) (已結業)

星期日放假難得好天冇落雨，同屋企人去左銅鑼灣行街及提早食中秋節飯。今晚選擇左依間「橋底辣蟹」食小菜，大家都食到讚不絕口，正！ -🌟野生姬松茸沙魚骨炖螺頭湯 先來清潤滋補燉湯，材料相當足料及豐富，加入營養價值極高的沙魚骨去熬製，湯底超濃郁無味精，味道甘甜！-🌟霸王雞 過時過節點少得食雞，雞肉厚肉嫩口又惹味，連同面上的葱絲一起吃，份外香口，確實有水準。-🌟魚湯勝瓜肉碎浸魚肚 用了鮮魚湯泡製，湯底份外鮮甜。勝瓜嫩口爽甜，呈網狀的魚肚如海綿般吸收了湯汁，一口咬下有juicy 感覺。底部還有蝦米粉絲，材料豐富。-🌟薑蔥生蠔煲 鐘意食蠔既我地，無論係蠔餅、生蠔、焗蠔、燜蠔豉，都來者不拒。經過薑、葱爆香之後，份外惹味。而且蠔的size 每隻都是有份量的珍寶級！蠔味軟濃，吃得過癮。-🌟避風塘鱔球 炸鱔球色澤金黃，粉漿夠薄夠脆。即點即整熱辣辣，鱔球肥美彈牙，無幼骨啖啖肉。炸蒜酥脆可口，伴飯一流。-飯後還有水果奉送！