更多
2020-06-20
2334 浏览
难得约到另外两个靓女一齐食饭聚下,我哋拣咗呢间好似比较有特色嘅餐厅,佢呢度以食猪为主,而且好似个名咁全部都系用慢煮嘅方式。餐厅入边有好多唔同霓虹灯做装饰,感觉都几潮㗎。我哋三个嗌咗个二人餐,前菜系有个温泉蛋沙律,底下系满满嘅黑醋,再加埋呢啲新鲜嘅沙律菜,成件事好开胃。然后就系呢个肉酱意粉,呢个肉酱意粉真系好食到我哋争住食,芝士同埋肉酱嘅比例恰到好处,调味亦都啱啱好,完全唔觉得腻,意粉亦都煮到啱啱好好爽好弹牙。另外仲有呢个拼盘,佢有西冷牛扒,两只猪仔髀,两条猪肋骨。个人觉得猪仔比比较好食,因为真系好林好入味。依个西冷牛扒感觉比较韧咗少少,可能唔好煮全熟会比较好。依个猪肋骨亦都比较入味,但系啲肉就好似老咗少少。另外我哋加咗个小食拼盘,有鸡翼,洋葱圈,炸蚝,薯条同埋芝士条。当中最值得推荐嘅系佢个炸蚝同埋鸡翼,啲炸蚝真系好鲜甜,而且炸粉唔会太厚。而佢个鸡翼都炸得好好食,鸡肉仲系好嫩滑多汁。饮品方面,我试咗佢个荔枝接骨木花茶,感觉味道比较淡少少,如果可以浓返啲就好啲。而朋友就试咗佢个芒果水果茶,冻嘅话甜味比较出,但系唔系太饮到其他水果嘅味道。而另外一杯系热嘅芒果水果茶,朋友话似唔甜嘅柠檬茶,可能
餐厅入边有好多唔同霓虹灯做装饰,感觉都几潮㗎。
我哋三个嗌咗个二人餐,前菜系有个温泉蛋沙律,底下系满满嘅黑醋,再加埋呢啲新鲜嘅沙律菜,成件事好开胃。
然后就系呢个肉酱意粉,呢个肉酱意粉真系好食到我哋争住食,芝士同埋肉酱嘅比例恰到好处,调味亦都啱啱好,完全唔觉得腻,意粉亦都煮到啱啱好好爽好弹牙。
另外仲有呢个拼盘,佢有西冷牛扒,两只猪仔髀,两条猪肋骨。个人觉得猪仔比比较好食,因为真系好林好入味。依个西冷牛扒感觉比较韧咗少少,可能唔好煮全熟会比较好。依个猪肋骨亦都比较入味,但系啲肉就好似老咗少少。
另外我哋加咗个小食拼盘,有鸡翼,洋葱圈,炸蚝,薯条同埋芝士条。当中最值得推荐嘅系佢个炸蚝同埋鸡翼,啲炸蚝真系好鲜甜,而且炸粉唔会太厚。而佢个鸡翼都炸得好好食,鸡肉仲系好嫩滑多汁。
饮品方面,我试咗佢个荔枝接骨木花茶,感觉味道比较淡少少,如果可以浓返啲就好啲。
而朋友就试咗佢个芒果水果茶,冻嘅话甜味比较出,但系唔系太饮到其他水果嘅味道。
而另外一杯系热嘅芒果水果茶,朋友话似唔甜嘅柠檬茶,可能都系因为味道唔够浓嘅关系。
张贴